Updated on May 22, 2017
Həftəsonu və mən
Əgər siz həftənin azı 5 günü işləyir və yaşadığınız şəhərin bütün tədbirlərindən uzaq düşürsünüzsə,həftəsonunu ən çox siz gözləyirsiniz. Xüsusən yay ayları yaxınlaşanda mən Bakıdakı bütün tədbirlərə qatılmaq,daha çox kəşf etmək daha çox gəzmək istəyirəm.
Nəzərə alsaq ki,son zamanlar Bakımız tədbir və əyləncə baxımından heç də dünya şəhərlərindən geri qalmır,baş verənlərin hamısına yetişmək mümkün olmur. Yenə də insan istəsə istirahət gününü maraqlı keçirə bilər.
Həftəsonumun ən dadlı hissəsi Cümə günü başlanan Baku Street Food Festival oldu. Bakıda ilk dəfə keçirilən və 3 gün davam edən yemək festivalı birinci dəfə üçün heç də pis sayılmazdı. Dadlı yeməklər, musiqi,əyləncə 3 tam gün davam etdi. 
Şənbə günü havanın əlverişsiz olması bəzi planlarımı pozsa da, bir neçə saat tapıb Heydər Əliyev Mərkəzi və Gənc Tamaşaçılar teatrına gedə bildim.Hər ikisində dəfələrlə olduğum üçün çox gəzmədim,amma gözəl fotolar olmadan da geri dönmədim. Ümumiyyətlə, Heydər Əliyev Mərkəzi mərhum Zaha Hadidin ən möhtəşəm əsəri və mənə görə Bakıdakı ən gözəl binalardan biridir.Müassir bir nağılı xatırladır mənə ağ dalğaları.
Əlbəttə məşhur “Mən Bakını Sevirəm” installasiyasından yan keçməmişəm.(Hərçənd xeyli turist növbəsi gözləməli oldum)
Gənc Tamaşaçılar Teatrı mənim xatirəmdə məktəb illərimi keçirdiyim sevimli tamaşalarla assosiasiya olunur . Buradan keçmək,afişasına baxmaq ya da sadəcə sevimli mozaikanın önündə foto çəkdirmək həmişə xoşdur.
Instagramı izləyənlər artıq bilir ki, 18-20 May tarixləri arası Muzeylər Günü Bakıda layiqincə qeyd edildi,muzeylər pulsuz fəaliyyət göstərdi. Mənə çoxsaylı təşəkkür mesajları gəlir bu barədə məlumat verdiyim üçün,izləyicilərim gedib muzeyləri gəziblər. Çox xoşdur mənim tövsiyyəmlə milli-mənəvi dəyərlərimizi bir daha xatırlamağınız ,özümü mədəniyyətimizə az da olsa xidmət etmiş kimi hiss etdim.
Bazar günü Azərbaycan Xalça Muzeyində oldum. Keçmiş və gələcək, antik və modern,dünən və bugün necə uzlaşa bilər ? Bu muzeydə suala cavab tapacaqsınız. Mədəni irsimiz olan dünyada tayı bərabəri olmayan yüzlərlə xalça mükəmməl düzülüşlə burada nümayiş olunub. Üç mərtəbədən ibarət bina içəri atdığınız ilk addımdan sizi başqa bir aləmə çəkir.
Məlumat : (Rəsmi sayt burada )
Azərbaycan Xalça Muzeyi (1967-1993-cü illərdə Azərbaycan Xalçası və Xalq Tətbiqi Sənəti Dövlət Muzeyi, 1993 – 2014-cü illərdə Lətif Kərimov adına Azərbaycan Xalçası və Xalq Tətbiqi Sənəti Dövlət Muzeyi adlanmışdır) 1967-ci ildə yaradılmışdır. Yarandığı dövrdə dünyada sırf xalçaçılıq sənətinə həsr olunmuş yeganə muzey idi. Azərbaycan xalçasının milli bədii irsin ən önəmli tərkib hissələrindən biri kimi qorunub saxlanılması, əsaslı və hərtərəfli öyrənilərək geniş ictimaiyyətə təqdim edilməsi muzeyin yaradılmasının başlıca məramı olmuşdur.
Muzeyin yaradılmasının təşəbbüskarı görkəmli alim və xalçaçı, Azərbaycan xalçaçılıq elminin banisi, rəssam və müəllim, “Azərbaycan xalçası” kimi fundamental əsərin müəllifi Lətif Kərimov olmuşdur.
Bu gözəl ,dolu-dolu keçən həftəsonumu ən sevdiyim məkanla tamamladım. Demək olar hər bazar getdiyim və özümü ən özəl hiss etdiyim Causal Brasserie bugünə qədər bir dəfə olsun məni məyus etməyib.
Bu həftəlik bu qədər 🙂 Növbəti həftəsonu nələr olacaq mütləq yazacağam.
Updated on October 26, 2017
2018 Resort kolleksiyaları
Salam əziz oxucularım !
Əminəm ki,istənilən moda jurnalı və ya dəb ilə maraqlanan şəxs məşhur moda evlərinin Resort ( və ya Cruise ) kolleksiyalarını sevərək izləyir. Resort kolleksiyası – ( Resort Collection, Cruise Collection) — , brendin Yaz-yay kolleksiyasından əvvəl təqdim etdiyi sezonarası kolleksiyadır . Bu kolleksiya sanki növbəti sezonun əsas ştrixlərindən xəbər verir. Buna əsasən iş,gecə,çimərlik və idman geyim və akssessuarları aid olur.
Beləliklə aparıcı moda evlərinin “Səyahət” kolleksiyalarından seçdiklərimlə tanış olun.
Updated on May 22, 2017
Qısa zamanda məşhurlaşan 4 yerli moda brendi
Əziz oxucularım, blogdan sayta köçmək, bir evdən başqa evə köçməyə bənzəyirmiş. Mən də sevdiyim “postlarımı” “yeni ev”imə daşıyırdım bir müddətdir. Bilməyinizi istərdim ki, burada hələ çox yeniliklər görəcəksiniz. Məqsədim hərgün ən az bir dəfə açılıb səhifələnən elektron jurnal olmaqdır. Buna çox inanıram.
Nəhayət saytımın ilk məqaləsini yazmağa vaxt tapdım. Bu mövzuya məni ilhamlandıran isə təsadüfən qarşılaşdığım bir cümlə oldu. Bu haqda daha sonra.
İndi isə Azərbaycanda yerli brendini formalaşdıran və əminəm ki,çox çətinlik görməsinə baxmayaraq öz uğuruna inanan xanımların layihələri ilə tanış olun . Əgər burada öz işlərinizi görürsünüzsə, qızlar, mən sizinlə fəxr edirəm.
Donlar Baku
Günay Rəsulova : “Donlar Baku” demək olar ki, fəaliyyətə maliyyəsiz başlayıb. Əlimdə olan 100 manatdan aşağı məbləğlə parça alıb birinci donları tikdirdim. İndi isə “Donlar Baku” ancaq sifarişlərdən gələn vəsaitlə maliyyələşdirilir. (c) Bizplus.az Müsahibəni buradan oxuyun
From Oliviah
Ülviyyə Ağabəylidən toxuma işləri standart aksessuarlardan çox fərqlənir. Qış sezonundaa şarf və papaqları ilə bizi isidirdi, yazda isə əla sürpriz təqdim etdi. Öz dizaynı olan rəngarəng toxunma çantaları istınilən yaz-yay obrazına yaraşacaq. From Oliviah Instagram
Yukhulu Pajamas
Yuxulu – Azərbaycanda ilk yerli pijama brendidir. Mən hərşeydən əvvəl bu ada heyran olmuşdum. Bir brend adı ancaq bu qədər uğurlu düşünülə bilərdi. Nigar xanımı bu barədə təbrik etmək lazımdır. O ki qaldı mallara, bunu sadəcə öz gözlərinizlə görməlisiniz . Son zamanlar tez-tez rast gəldiyim slogan isə belədir : Artıq mən də “yuxulu” oldum.
Naveen
Növbəti gözəl ad -Naveen. Nəzrin öz tərzi ilə çox seçilən ,çalışqanlığına və enerjisinə heyran olduğum gənc qızdır. Onunla ilk söhbətdən o pozitivi,entuziazmını hiss edirsən. Naveenin bir brend kimi yaranması çox düzgün atılmış addımlar sayəsində oldu, son dərəcə asan amma funksional web-site,operativ müştəri xidməti .Hər bir kolleksiyada eyni vaxtda həm vintaj,həm də yeni trendlərin tandemini görürük. Dəfələrlə onu Zara ilə səhv salmaqları buna sübutdur məncə. O dərəcədə düzgün işçilik var geyimlərdə. Yeni kolleksiyanı görməmisinizsə sayta buradan keçə bilərsiniz.
Bu postu yazmazdan əvvəl apardığım araşdırmada siyahımda 15-dən çox dizayner vardı. Hər biri öz sahəsində unikal olan 15 layihə. Növbəti postda onlardan danışacağam. Yazımın əvvəlində qeyd etdiyim ,məni günlərlə düşündürən cümləni sizinlə paylaşmaq istəyirəm.
“Kiçik biznesi dəstəkləyəndə,əslində bir XƏYALI dəstəkləmiş olursan.”
Updated on October 26, 2017
Sizi “fərqli” edəcək 10 xobbi
Salam əziz oxuyucularım. Yaz ayları gələndə mən istər istəməz yeni maraqlar,yeni məşğuliyyətlər həvəsinə düşürəm.
İnsan nə qədər geniş maraq dairəsinə malik olarsa, kənardan bir o qədər diqqət cəlb edir. Bu gün sizə ,ətrafdakılara fərqli təsir bağışlayacaq məşğuliyyətlərdən danışacağam. Bizə heç də yad olmayan söz, Hobbi – insanın könüllü surətdə, məcbur edilmədən məşğul olduğu və böyük zövq aldığı fəaliyyəti. Hobbi insanın çox vaxt özünü tanımasına köməkçi olur. Aparılan bir çox araşdırmalar bədbəxt insanların 38%-nin heç bir hobbisinin olmadığını üzə çıxarmışdır.
Updated on April 29, 2017
2017 Gün eynəkləri
Havalar isinib,günəş parladığı zaman əvəzsiz aksessuarımıza çevrilən gün eynəklərini necə seçirsiniz ? Sizin üçün moda tendensiyaları önəmlidir yoxsa klassika ?
Gün eynəkləri çeşidləri, geniş qiymət seçimləri ilə asanlıqla əldə ediləbilən aksessuardır. Nəzərə alsaq ki, gözlərimiz ən dəyərli sərvətimizdir, şəxsən mən çox ucuz eynəklərin tərəfdarı deyiləm. Yenə də bu şəxsi seçimdən asılıdır.
Bahalı eynək alarkən daha uzun müddət istifadə edə bilmək üçün hər zaman aktual klassikanı seçənlər az deyil. Amma ilin gözəl və çox göstərişli trendlərindən yan keçmək olmur.
2017-ci ildə yenə də “oversized” -yəni çox iri ölçülü eynəklər aktuallığını qoruyub saxlayır.Kataut, ( cut-out) ,kəpənək formalı, statement eynəklər,futuristik eynəklər,şəffaf plastik və ya rəngli plastik,sarı və günəş şüası tonlarındakı şüşələr ,həmçinin iri çərçivəsiz güzgülər,müxtəlif editlər olunmuş aviatorlar.
Marni
Marni
Marni
LV
Fendi
Fendi Lei
Gucci
Gucci
Elie Saab
Elie Saab
Tanınmış brendlərin yeni kolleksiyaları ilə siz Bakıdakı Falez Optik ( mən buradan aldım ) , Optic Gallery mağazalarından əldə edə bilərsiniz.
Əlbəttə bu bahalı brendlərin yaratdığı trenddir. Eyni formaları orta və ekonom sinif markalarda da asanlıqla tapmaq olar. Xüsusən asos.com saytında həm asosun həm də digər brendlərin eynəklərini ,Bakıda isə chic.baku onlayn mağazasını məsləhət görərdim.
Bol günəşli günlər arzusu ilə ♥
Updated on April 29, 2017
Pantone 2017 : İlin rəngi
Pantone, X-Rite Incorporatedin tam mülkiyyətində olan törəmə təşkilatdır və dizayn sənayesi üçün professional rəng standartlarını təqdim edir. Bu gün rəng Pantone nin universal rəng dili yüz milyonlarla dizayn peşəkarları üçün dünyadakı rəng tendensiyalarını əlçatan edir, onlar bu rənglərdən material,tekstura və müstəvilərin seçilməsində aktiv istifadə edirlər.
Bundan başqa Pantone Rəng İnstitutudur və hər bir rəngin insanın iş prosesinə,emosional və fiziki reaksiyalarına təsirini araşdırır. Beləliklə professionallar rənglərin psixilogiyasını da bilməklə daha düzgün seçimlər edirlər.
Hər il Pantone ilin rəngini elan edir. Keçən il postlarımı oxuyanlar bilir ki,bu Çəhrayı kvars və Serenity mavi idi.
Bu ilin rəsmi rəngi : Greenery 15-0343. Yaşılın ən gözəl və təbii tonu,sakitləşdirici,gözoxşayan və təbiətə bir addım da yaxın hiss etməmizə yardımçı olacaq bir rəng.
Rəngə harada ən çox rast gələcəyik ? – İnteryerdə və dekorda.
Necə ola bilər ki, yeni rəng innovasiyası moda və gözəllik aləmindən yan keçsin. Bu sahədə Greenery-yə neytral rəng kimi baxa bilərik.O soyuq mavilər və sarı ilə əla vəhdət təşkil edə bilər.
Maryam Nassir
Emilio Pucci
İngiltərənin kosmetik brendi Butter London isə birbaşa Pantone İnstitutu ilə birgə Greenery dırnaq boyasını keçən günlərdə satışa çıxardı.
Məlumat üçün qeyd edim ki, əvvəlki illər üzrə Pantone siyahısı belə idi :
• PANTONE 15-3919 Serenity and PANTONE 13-1520 Rose Quartz (2016)
• PANTONE 18-1438 Marsala (2015)
• PANTONE 18-3224 Radiant Orchid (2014)
• PANTONE 17-5641 Emerald (2013)
• PANTONE 17-1463 Tangerine Tango (2012)
• PANTONE 18-2120 Honeysuckle (2011)
• PANTONE 15-5519 Turquoise (2010)
• PANTONE 14-0848 Mimosa (2009)
• PANTONE 18-3943 Blue Iris (2008)
• PANTONE 19-1557 Chili Pepper (2007)
• PANTONE 13-1106 Sand Dollar (2006)
• PANTONE 15-5217 Blue Turquoise (2005)
• PANTONE 17-1456 Tiger lily (2004)
• PANTONE 14-4811 Aqua Sky (2003)
• PANTONE 19-1664 True Red (2002)
• PANTONE 17-2031 Fuchsia Rose (2001)
• PANTONE 15-4020 Cerulean (2000)
Updated on April 29, 2017
2017 Payız RTW. Diqqətimi çəkənlər.
Salam hörmətli oxuyucularım. Qabaqcıl brendlərin, trendsetterlərin ( trend yaradanlar ) 2017 ci ilin payız kolleksiyalarını nəzərdən keçirdikdən sonra diqqətimi çəkən məqamları sizlərlə bölüşmək istərdim.
Desəm ki, 2017-ci il üçün böyük gözləntilərim var, yalan olar. Çünki, bu il təqdim olunan geyimlərin əksəriyyəti mənə sıxıcı gəldi.
Başlayaq yaz ayı üçün də aktual olan,sarı rəngdən. Payız kolleksiyalarında əsas dizaynerlər bu rəngə xeyli yer verib.Görünür il sonuna kimi sarının açıq tonlarından xardal sarısına qədər paletlə tez-tez rastlaşacağıq.
Blumarine , Calvin Klein, Hermès
Amma sizə bir nüansı da çatdırım ki, 2017-in rəsmi rəngi sarı deyil 🙂
Podyumlarda demək olar əksər dizaynerlərin müraciət etdiyi trend “kişi kostyumu” oldu.Maskülen əlbəttə ki, hər il az və ya çox yer tutur kolleksiyalarda, lakin bu dəfə hər zamankindən daha çoxdur .Hətta,bu geyim parçaları ətəklə kombinlənəndə belə öz “kişi kobudluğunu” saxlayır . Bu kostyumlar əsasən boz,xətli, qalın materiallardandır.
Stella Mccartney
Stella Mccarney
Calvin Klein
Calvin Klein
Son olaraq üst geyimlərindəki , “dağınıq assimetriya” , “köhnə palto” həmçinin, rəngli,bəzək və işləməli kürkləri də qeyd etməsəm olmaz. Foto printli dəri isə favoritimə çevrildi.
Balenciaga
Balenciaga
Prada
Prada
Prada
Fendi
Fendi
Hermes
Posted on March 29, 2017
Restoranlar. Mart dadları
Məni tanıyanlar bilir ki, ev yeməklərini çox sevsəm də, tez-tez çöldə yeyirəm. Bəzən istədiyim bəzən isə məcbur qaldığım üçün. Buna görə də hər ay getdiyim restoran və kafelərin içindən bəyəndiklərimi burada qeyd etmək qərarına gəldim.
Restoranı bəzən dizaynı,bəzən dadı bəzən isə olduğum yerə yaxınlığına görə seçirəm.Getdiyim yerlərin qiymətlərindən çox orada aldığım zövq və təbii ki,professional xidmətinə fikir verirəm.
Beləliklə ,Mart ayının favorit dadları. Bu ay mənə dadlı bir hədiyyə gəlmişdi ofisə.Bay Kestane. Türkiyədəki məşhur qızarmış şabalıdlar artıq Bakıda var.Bu Metropark tm girişində yerləşir. Çox darıxdığım dad idi. Sevə-sevə yedim. Belə bir paket 4 azn.
Mart ayının ikinci favorit dadı,Sevimli Starbucks -da bu ay makadamiya fındıqlı latte kofe təqdim olundu və əlbəttə mən ona aşiq oldum. Novruz bayramları ərəfəsində isə, içkilərə 1+1 kampaniyası edilirdi. Ürəyimdən xəbər verdi…Kofe alasan,üstündə də kofe hədiyyə edələr.. Qiymətlər ölçü və kofenin sərtliyinə görə dəyişir, təxminən 7.2 azn alınırdı məndə.
Starbucks,Port Baku Mall
Keçək əsas məsələ,yeməklərə. İtaliyan mətbəxini çox sevirəm.Milli,dadlı Azərbaycan mətbəxindən sonra ən çox italyan yeməkləri mənim zövqümlə üst üstə düşür. Aşağıdakı fotolar tez -tez şirniyyat üçün getdiyim ilk dəfə isə yemək yediyim Baccanale restoranındandır. Baccanale instagram
Menyu maraqlıdır,zəngin sayılır. Bu limonatlar bir ayrı aləmdir. ( 6 azn ) .Bütöv pizzalar çox iri olduğu üçün ,dilim pizzalar sifariş etdik. Hər biri 4 dilimdən ibarət pizzalar da doyumludur. Amma dad başqa aləmdir. Əminliklə deyirəm ki, buradakı pendirləri,ət dilimi və salamiləri Bakıda başqa yerdə,marketdə tapa bilməzsiniz. Mmm,bellisimo !
Sezar salatı. Sözün düzü, heçyerdə yemədiyim cür Sezar idi bu. Demək olar sousu yox idi, bol bol əsl Parmezan pendiri ,limon suyu vardı. Toyuq əti inanılmaz dadlı idi. Ümumən salata heyran oldum.
Qiymətlərə qaldıqda isə, bura ucuz yer deyil. Hətta bahadır. Amma bu dada dəyər. Aşağıdakıların cəmi 55,5 azn .
Baccanale,Port Baku Mall
Baccanale ,Port Baku Mall
Bu sevimli Casual Boşqabımı görməlisiniz. Necə deyərlər “İllərdir dəyişməyən ləzzət” @casualbrasserie
Terasdakı huzur,gözəl kontingent,gözəl xidmət,mehribanlıq ,dad.. Daha nə olsun? Çörəklər mükəmməldir. Bu səhər yeməyi iki nəfərə bəsdir.Qİyməti 14 azn və limitsiz çay buna daxildir.Gördüyünüz hər şeyin dadı gözəl idi !
P.S. Hamısını tək yedim
Casual Brasserie,Nizami küçəsi
Oxuduğunuz üçün minnətdaram !
Updated on October 26, 2017
Hər ilin dəbi : Jeans
Əgər cins şalvarları klassifikasiya etsək o zaman adlardan yox, kəsim-biçimlərdən başlamalıyıq. Və ya “fit” yəni oturmasından. Onlara sıra gələcək.
Keçən illərdə #boyfriendjeans elə çox gördük ki, çoxları tanıyır. Adından məlum olduğu kimi, oğlan dostunun şalvarı kimi qalmalıdır.Beldən boş, arxa hissə boş, ayaglar boş. Ətəyi çox zaman qatlanmış. Ön hissəsi kəsik,yırtıq.
Updated on April 29, 2017
Equesterian modası
Dünyada hərgün yenilənən ,dəyişən moda trendlərindən başqa, çox az insanın müraciət etdiyi, amma klassını qoruyub saxlayan bir neçə tərz var. Onlardan biri #equestrian modasıdır( latın dilində equest – at ). Əslində #equestrian deyəndə professional atçılıq geyimi nəzərdə tutulur amma, bugün tam və ya hansısa detal şəklində moda aləmində öz yolu olan bir tərzdir. Yetərincə klass və bahalı geyimlərdir.
Xobbisi at sürmək, ( UK -də Ovçuluq) və ya polo olan hər kəs bu tərzə aşiq ola bilir. Bəzən podyumlarda gördüyümüz detallardan başqa, sırf bu tərzə işləyən brendlər var. Polo by RL, #Ariat, #Laredo və s. ( Gucci də zamanla bu tərzə meyl edib ) .
Əgər bir jurnalda çalışsaydım incəlikləri ilə haqqında yazacağım #equestrian məqaləsinin adını “Cıdırdan podyuma ” qoyardım.
Fotolarda @ralphlauren , @Hermes@massimodutti
Bu tərzin geyimlərinin klass və bahalı olmasını qeyd etdim. Səbəb həm də keyfiyyətdir. Yalnız mükəmməl və dözümlü dəri və fabrikdən(parça) istifadə olunur. Görünüş ,yəni dizayn isə , “sharp” -olmalıdır. Ana dilimizdəki ifadə ilə : “qutu kimi”
Haqqında danışdığımız #equestrian tərzinin tam versiyasını əlbəttə gündəlik həyatda istifadə edə bilmərik. Amma bənzər şık tərzi özümüz yarada bilərik. Payızda sevə sevə birləşdirdiyim parçalar, yüksək bel slim fit jeans, Köynək , pencək, dizaltı çəkmələr.
